آزربایجانین معاصر نابغه سی ، اوره یی  میلّت دردی ، میلّت نیسگیلی ایله دولوب داشان ، قوزئی - گونئی آزربایجانین ان سئویملی و آدلیم ساز و سؤز اوستاسی "زلیم خان یعقوب"  نه یازیق کی الیمیزدن گئتدی!

اینسان اوغلو، بو دونیانین
ان باهالی ثروتی سن،
گؤستر گؤروم بو دونیایا
اؤز علمینی، ادبینی.

نییه گلدین بو جاهانا،
بو حیاتدان نه ایسترسن،
اؤزون دئ بیل، بیزده بیلک،
آچ، خیرد ائله مطلبینی.

دوغولماقدا بیر اؤلوم وار،
اؤلومده بیر اؤلومسوزلوک،
آرزون نه دیر، ایسته یین نه،
قوی اورتایا طلبینی.

یئل ایتیرر، سئل باتیرار،
داغا یازما، داشا یازما،
اوره یه یاز اؤز آدینی،
سوی آدینی، لقبینی.

کامیل اولان ناقیص اولماز،
ناقیص اولان کامیل اولماز،
اصیل کیشی باها ساخلار
اؤز ذؤوقونو، اؤز دَبینی.

سن ده بیل کی، گؤی اوزونده
گونش آدلی محبت وار،
او، نور قاتار، ایشیق چیلر
تانریلارین غضبینه.

یارادانین یاراتدیغی
نییه بئله اؤلمز اولور،
اونو علمده آختارما،
عشقده آختار سببینی.

هر دیلده بیر بَیانی وار،
شاگیرد بیزیک، اوستاد اودور،
درسی آلاق فضولیدن،
کئچیب اونون مکتبینی!

İnsan oğlu, bu dünyanın
ən bahalı sərvətisən,
Göstər görüm bu dünyaya
öz elmini, ədəbini.

Niyə gəldin bu cahana,
bu həyatdan nə istərsən,
Özün də bil, biz də bilək,
aç, xırdı elə mətləbini.

Doğulmaqda bir ölüm var,
ölümdə bir ölümsüzlük,
Arzun nədir, istəyin nə,
qoy ortaya tələbini.

Yel itirər, sel batırar,
dağa yazma, daşa yazma,
Ürəyə yaz öz adını,
soyadını, ləqəbini.

Kamil olan naqis olmaz,
naqis olan kamil olmaz,
Əsl kişi baha saxlar
öz zövqünü, öz dəbini.

Sən də bil ki, göy üzündə
Günəş adlı məhəbbət var,
O, nur qatar, işıq çilər
tanrıların qəzəbinə.

Yaradanın yaratdığı
niyə belə ölməz olur,
Onu elmdə axtarma,
eşqdə axtar səbəbini.

Hər dildə bir bəyanı var,
şagird bizik, ustad odur,
Dərsi alaq Füzulidən,
keçib onun məktəbini!